Breakingગુજરાત

ગોંડલ નજીક ટાયર ફાટતા કાર ડિવાઈડર કૂદી રોંગ સાઈડમાં ST બસ સાથે ટકરાઈ, ઘટના સ્થળે…

પતિ-પત્ની અને પુત્ર સહિત 6ના મોત, CMએ રૂ. 4 લાખની સહાય જાહેર

રાજકોટ-ગોંડલ નેશનલ હાઇવે પર ગમખ્વાર અકસ્માત થયો છે. ગોંડલ નજીક ભોજપરા અને બિલાયાળા વચ્ચે રાજકોટ તરફથી આવતી કારનું ટાયર ફાટતાં એ ડિવાઈડર ટપી સામેની સાઈડમાં આવતી એસટી બસ સાથે ધડાકાભેર અથડાઈ હતી. આ ગોઝારા અકસ્માતમાં સુરતના ગઢીયા પરિવારના પતિ-પત્ની અને પુત્ર સહિત 6 લોકોનાં ઘટનાસ્થળે જ કમકમાટીભર્યાં મોત નીપજ્યાં છે.જ્યાં 5 લોકોનું ઘટનાસ્થળે અને 1 બાળકનું રાજકોટમાં સારવાર દરમિયાન મોત થયું છે. દરમિયાન રાજકોટની મુલાકાતે આવેલા મુખ્યમંત્રી ભૂપેન્દ્ર પટેલ અકસ્માતમાં માર્યા ગયેલા 6 લોકોના મોત પર સંવેદના વ્યક્ત કરી હતી અને પ્રત્યેક મૃતકના વારસદારોને રૂ. 4ની સહાય જાહેર કરી છે.

મૃતદેહોને ગોંડલ સરકારી દવાખાને ખસેડવામાં આવ્યા
પ્રાપ્ત વિગતો મુજબ સુરતના કપોદરા સોસાયટીમાં રહેતા મૂળ બગસરા પાસેના મૂંજીયાસર ગામના અશ્વિનભાઈ ગોવિંદભાઇ ગઢિયા ઉ.વ. 38, પત્ની સોનલબેન ઉ.વ. 38, પુત્ર ધર્મિલ ઉ.વ. 12, માતા શારદાબેન ઉ.વ. 56, બનેવી પ્રફુલભાઈ બામ્ભરોલિયા, બહેન ભાનુબેન અને ભાણેજ જેની ઉ.વ. 8 સહિતનાઓ એસેન્ટ કાર GJ05 CQ 4239 મારફત સૌરાષ્ટ્રમાં સંબંધીને ત્યાં લગ્ન પ્રસંગમાં આવી રહ્યા હતા ત્યારે રાજકોટ ગોંડલ નેશનલ હાઇવે બિલિયાળા ગામના પાટિયા પાસે કારનું ટાયર ફાટતા કાર ડિવાઈડર ટપી રોંગ સાઈડમાં જઇ એસટી બસ GJ18Z 4178 સાથે અથડાતા સર્જાયેલ અકસ્માતમાં અશ્વિનભાઈ, સોનલબેન, શારદાબેન, પ્રફુલભાઈ તેમજ ભાનુબેન​​​​નું મોત નિપજતા મૃતદેહોને ગોંડલ સરકારી દવાખાને ખસેડવામાં આવ્યા હતા.જ્યારે ધમિલનું રાજકોટમાં સારવાર દરમિયાન મોત થયું છે.

Advertisement

સુરતનો ગઢીયા પરિવાર લગ્નપ્રસંગમાં જતો હતો
સુરતનો ગઢીયા પરિવાર બગસરાના મુંજીયાસર ગામે લગ્નપ્રસંગમાં જતો હતો. ત્યારે બિલાયાળા અને ભોજપરા વચ્ચે ગમખ્વાર અકસ્માત નડ્યો હતો. જેમાં કારમાં સવાર એક જ પરિવારના 5 સભ્યોના મોત નીપજ્યા હતા. જ્યારે એક 7 વર્ષની દીકરી અને 11 વર્ષના એક દીકરાને ગંભીર ઇજા પહોંચતા સારવાર માટે હોસ્પિટલ ખસેડાયા છે. બંનેની હાલત ગંભીર હોવાનું જાણવા મળ્યું છે.

એસટી બસને પણ નુકસાન પહોંચ્યું
બીજી તરફ GJ-18-Z-4178 નંબરની એસટી બસના આગળના ભાગને નુકસાન પહોંચ્યું છે. બસનો આગળનો કાચ તૂટી ગયો છે તેમજ આગળનો ભાગનો પણ કચ્ચરઘાણ નીકળી ગયો છે. કારના નંબર GJ-05-CQ-4239 છે. ચાલુ કારે ટાયર ફાટતા જ ધડાકાભેર એસટી બસ સાથે અથડાઈ હતી.

Advertisement

રાજકોટમાં મુખ્યમંત્રીએ સહાય જાહેર કરી
મુખ્યમંત્રી ભૂપેન્દ્ર પટેલે રાજકોટ-ગોંડલ નેશનલ હાઇવે પર બિલિયાળા પાસે થયેલા ગમખ્વાર માર્ગ અકસ્માતમાં જાન ગુમાવનારા મૃતકો પ્રત્યે સંવેદના વ્યક્ત કરી તેમનાં શોક સંતપ્ત પરિવારજનોને સાંત્વના પાઠવી છે. આ અકસ્માતમાં મૃત્યુ પામેલા 6 લોકોના આત્માની શાંતિની તેમણે પ્રાર્થના કરી છે. સાથે જ અકસ્માતમાં જાન ગુમાવનારા પ્રત્યેક મૃતકના વારસદારને રૂપિયા 4 લાખની સહાય રાજ્ય સરકાર દ્વારા આપશે તેવી જાહેરાત કરી છે.

Advertisement
Advertisement

Leave a Reply

Your email address will not be published. Required fields are marked *

Related Articles

Back to top button